Bitarlan, informatika zerbitzu osoak eskaintzen dituen enpresa da, gizarte, bezeroarekiko eta konpromiso teknologiko sendoekin. Euskara da gure konpromiso horietariko bat, euskaraz lan egiten dugu eta euskara teknologia eta informatika arloetan hedatzea dugu xede. Bestalde, bai gure lan egiteko eran, bai komunitatean software librearekiko konpromisoa ere azpimarratu nahiko genuke. Era berean, Irisgarritasuna, erabilgarritasuna eta ezinduekiko konpromisoa gure funtsezko konpromisoetariko bat da, teknologia irisgarria lortzeko eta zailtasunak zailtasun, mugak gainditu.
Bezeroarekiko konpromisoa dugu, zeren eta lehendabizi bezeroak gurekiko konpromisoa eta konfiantza erakutsi baitigu. Konpromiso horretan Bitarlan -ek, etengabe ikertzen eta ikasten dihardu, honela, bezeroari ahalik eta zerbitzurik onena eman ahal izateko.
Gure zerbitzuei dagokienez, informatika irtenbide osoak eskaintzen ditu: Web gune eta aplikazioen garapena, sakelako telefonoetarako garapenak, ikastaroak eta diseinu zerbitzuak. Bestetik, satelite bidezko interneta eta VoIP telefonoa ere eskaintzen dugu nekazal guneetarako eta isolatuta dauden eraikinetarako. Izan ere, Satelite bidezko Interneta oso aukera ona da banda zabala eta abiadura handiko Internet konexio bat lortu ahal izateko gune hauetan.
Eskarmentu handiko enpresa da Bitarlan, 2005ean sortu zen.
Telegram bertsio ofiziala euskaratu (2016-01-11)
Telegram bertsio ofiziala deskargatu Telegram
Hurrengo fitxategia deskargatu: Itzulpena
Fitxategi hori edozein txatera bidali eta hiru bolatxoen botoian klik eginda, hizkuntza ezartzeko aukera agertuko da.
Itzulpena instalatzen
Deskargatutako fitxategia norbaiti bidali.
3 bolatxoetan klik egin
"Apply localization file" -en sakatu eta Telegram euskaraz agertuko da
Telegram 1.4.6 (2014-03-25)
Bitarlan enpresan, Gauekoekin batera Telegram aplikazioa euskaratu dugu Android sistemetarako (IOS mugikorrentzat ez). Telegram mezularitza aplikazioa da WhatsApp-en modukoa baina kasu honetan software librea, doakoa eta segurua da.
Hemendik deskargatu daiteke bertsioa euskaraz bertsio ofizialean argitaratu arte:
Instalatzeko:
Hori eginda, baduzu Telegram euskaraz!!
Gainera hemen dagoen Telegram bertsioa euskaraz besterik ez dago, beraz, nahiz eta zure Android sistema beste hizkuntza batean eduki, euskaraz ikusiko duzu Telegram.
Oharrak:
- Momentuz mezuetan agertzen diren datak sistematik hartzen dira, beraz, Android sistemaren hizkuntzan agertuko dira.
- Ez dakigu noiz aterako duten bertsio ofiziala euskaraz, garatzaileek esan digute momentuz ez dutela data zehatzik aurreikusten, beraz, bertsio ofiziala deskargatuz gero ez da euskaraz egongo oraingoz. Hala ere, bertsio ofiziala euskaraz ateratakoan, soilik ikusiko da Telegram euskaraz, Android sistemaren hizkuntza euskara izanez gero.
- Saiatuko gara eguneraketa prozesua hobetzen, Google Play biltegira igotzeko asmoa dugu baina aztertzen ari gara.
Aurreko bertsioak:
Itzulpenari buruzko iradokizunak bidaltzeko laguntza@bitarlan.net epostara mezua bidali.
Euskaraz bizitzeko aukera egin duten pertsonei zuzendutako tresna. Edonon euskaraz jarduteko arazoak aurkitzen dituztenean, euskaraz bizitzeko nahiari eutsi, oztopoei aurre egin eta egoera hobetzeko bidea eskaini nahi du. Euskaraz bizitzeko nahia errealitate bihur dadin, zailtasunen gainetik duintasunez elkarrekin aurrera egiteko.
AKUILARI, DUINTASUNA IGOTZEKO TRESNA BERRIA
![[Bai Euskarari]](/irudiak/baieuskarari_logoa.png)
![[Esle]](/irudiak/esle_logoa.png)
